Liria – Drenica, mbyllet ndeshja e parë e xhiros së shtatë

16:07 | 27 Shtator 2017
Arbresh.info

Liria ka arritur të shënojë fitore përballë Drenicës me rezultat 1-0, në një ndeshje mjaftë të fortë nga dy skuadrat.

Ndeshja e vlefshme për javën e 7-të prezantoi një përballje ku dy skuadrat dominuan nga një pjesë.

Prizrenasit ishin më të mirë në pjesën e parë ku rrezikuan dukshëm me Qëndrim Gashin dhe Jetmir Sefën.

Por rastin më të mirë e kishte Zenel Gavazaj, i cili pas një asistimi të bukur të Qëndrim Gashit shënoi për 1-0.

Me këtë gol që u shënua në minutën e 41-të, u mbyll edhe pjesa e parë.

Në pjesën e dytë drenicasit u munduan të rrezikojnë më shumë portën, por goditjet e tyre assesi të përfundojnë në portë.

Me këtë rezultat u mbyll ndeshja, që e dërgon Lirinë në kuotën e 10 pikëve, ndërsa Drenica mbetet me 7 pikë.

Shpërndaje në rrjete sociale

Lajmet më të lexuara

Të ngjashme

Foto lajm